កំពត៖រហូតមកដល់ពេលនេះទាំងអាវុធហត្ថនិងនគរបាលកំពុងស្វែងរកចាប់ឃាតកសម្លាប់មនុស្សសង្ស័យប្លន់យកម៉ូតូរួចទុកសពចោលក្នុងភូមិអូរម្កាក់ ស្រុកអង្គរជ័យខេត្តកំពត។សមត្ថកិច្ចបានឱ្យដឹងថា កាលពីរសៀលថ្ងៃទី១០ខែធ្នូ អ្នកភូមិបានប្រទះឃើញបុរសម្នាក់ត្រូវបានជនមិនស្គាល់មុខសម្លាប់ហើយទុកសពចោលសង្ស័យប្លន់យកម៉ូតូនៅស្រុកអង្គរជ័យរួចបានយកម៉ូតូទៅផ្លុងចោលនៅស្រុកកំពង់ត្រាចខេត្តកំពត។ក្រុមគ្រួសារបានឱ្យដឹងថា បុរសបាត់បងជីវិតឈ្មោះទុំ ចាន់ថា ហៅហេងអាយុ២៩ឆ្នាំនៅភូមិត្រពាំងខ្យង ឃុំអង្គភ្នំតូច ស្រុកអង្គរជ័យ។ ជាអ្នកបើករថយន្តដឹកឥវ៉ាន់ចាប់ហួយដាក់ឱ្យម៉ូយ។នៅថ្ងៃសីលពេញបូរមីជនរងគ្រោះបានទៅផ្សារតានីទិញផ្លែឈើមកសែនក្បាលឡានរួចមកបាត់ដំណឹងរហូតទូរសព្ទទាក់ទងក៏មិនបាន។ឈ្មោះទុំ ចាន់ថា បានបាត់ខ្លួនតាំងពីថ្ងៃទី៨ ខែធ្នូ រហូតដល់រសៀលថ្ងៃទី១០ទើបគេឃើញសពនៅក្នុងព្រៃ។រីឯម៉ូតូត្រូវបានគេយកប្លុងចោលក្នុងស្រុកកំពង់ត្រាចដោះផ្នែកខាងក្រោយទាំងផ្លាកលេខចោលអស់។បន្ទាប់ពីមានករណីឃាតកម្មកើតឡើងនគរបាល-អាវុធហត្ថខេត្តសហការជាមួយនគរបាលស្រុកអង្គរជ័យបន្តការស្រាវជ្រាវក្នុងករណីនេះដើម្បីតាមចាប់ជនដៃដល់យកមកផ្តន្ទាទោសតាមច្បាប់៕
ព័ត៌មានគួរចាប់អារម្មណ៍
បុរស២នាក់ត្រូវជាបងប្អូនថ្លៃនឹងគ្នា បានជួបជុំគ្នាផឹកស៊ីរហូតដល់ស្រវឹងធ្លាក់ភ្នែករៀងខ្លួន ក៏កើតមានជំលោះ ឈានដល់ អំពើហិង្សា ដោយភាគីប្អូនថ្លៃ បានទាញកាំបិតផ្គាក់ កាប់ទៅលើបង ()
វីដែអូ