ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយកាលពីពេលថ្មីៗនេះថាៈ សំណើរបស់ចិនចំនួន១២ ចំណុច អាចប្រើប្រាស់បានសម្រាប់ដោះស្រាយសន្តិភាព នៃសង្រ្គាមអ៊ុយក្រែន ។លោក ពូទីន បាននិយាយនៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំជាមួយប្រធានាធិបតីចិនលោក ស៊ី ជីនពីង នៅទីក្រុងមូស្គូថាៈ លោកគាំទ្រសំណើភាគច្រើនរបស់ចិន ដោយសារវាត្រូវគ្នាទៅនឹងចក្ខុវិស័យរបស់រុស្ស៊ី ។លោកសង្កត់ធ្ងន់ថា “ផែនការសន្តិភាពដែលដាក់ចេញដោយប្រទេសចិន គឺស្របនឹងវិធីសាស្រ្តរបស់រុស្ស៊ី ។ហើយអាចយកប្រើជាមូលដ្ឋានសម្រាប់ដំណោះស្រាយដោយសន្តិវិធី នៅពេលដែលលោកខាងលិច និងទីក្រុងកៀវត្រៀមខ្លួនសម្រាប់សន្តិភាព។ទោះជាយ៉ាងណាមកដល់ពេលនេះ យើងមិនបានឃើញការត្រៀមខ្លួនរបស់ពួកគេនៅឡើយទេ” ។លោក ពូទីន បានបន្ថែមថាៈ ខណៈពេលដែលលោកកំពុងជួបពិភាក្សាជាមួយលោក ស៊ី មានព័ត៌មានលេចចេញថា ចក្រភពអង់គ្លេសមានគម្រោងផ្គត់ផ្គង់ គ្រាប់មានផ្ទុកសារធាតុអ៊ុយរ៉ានីញ៉ូមទៅដល់អ៊ុយក្រែន ។ជាចុងក្រោយលោក ពូទីន បានព្រមានថា ”ប្រសិនបើរឿងនេះកើតឡើងមែន រុស្ស៊ីនឹងត្រូវឆ្លើយតបតាមនោះ ព្រោះថា សមូហភាពលោកខាងលិច កំពុងចាប់ផ្តើមប្រើប្រាស់អាវុធដែលមានសមាសធាតុនុយក្លេអ៊ែររួចហើយ ដូច្នេះយើងក៏មានសិទ្ធិធ្វើបែបនេះដូចគ្នា” ៕
ព័ត៌មានគួរចាប់អារម្មណ៍
បុរស២នាក់ត្រូវជាបងប្អូនថ្លៃនឹងគ្នា បានជួបជុំគ្នាផឹកស៊ីរហូតដល់ស្រវឹងធ្លាក់ភ្នែករៀងខ្លួន ក៏កើតមានជំលោះ ឈានដល់ អំពើហិង្សា ដោយភាគីប្អូនថ្លៃ បានទាញកាំបិតផ្គាក់ កាប់ទៅលើបង ()
វីដែអូ